சரியான காரணமின்றி பிரிந்து வாழும் மனைவிக்கு பராமரிப்பு உரிமை இல்லை?

சரியான காரணமின்றி பிரிந்து வாழும் மனைவிக்கு பராமரிப்பு உரிமை இல்லை-அலகாபாத் உயர் நீதிமன்றம் தீர்ப்பு.

சரியான காரணமின்றி கணவரிடமிருந்து பிரிந்து வாழும் மனைவிக்கு பராமரிப்பு உரிமை இல்லை என்று அலகாபாத் உயர் நீதிமன்றம் தீர்ப்பு வழங்கியிருக்கிறது. 

மேற்கண்ட தீர்ப்பை வழங்கிய அலகாபாத் உயர் நீதிமன்றம் மேலும் திருமணமான பெண்ணுக்கு பராமரிப்பு வழங்கும் குடும்ப நீதிமன்ற உத்தரவையும் ரத்து செய்துள்ளது.

பெண்ணின் கணவர் விபுல் அகர்வால் என்பவர் தாக்கல் செய்த சீராய்வு மனுவை அனுமதித்து, மேலும் வழக்கு தீர்ப்பில் பிப்ரவரி 17 ஆம் தேதி குடும்ப நீதிமன்றத்தின் கூடுதல் முதன்மை நீதிபதி பிறப்பித்த  ஜீவனாம்சம் வழங்கும் உத்தரவை நீதிபதி சுபாஷ் சந்திர சர்மா ரத்து செய்தார்.

"மனைவி போதுமான காரணங்களுடன் கணவரிடமிருந்து பிரிந்து வாழ்கிறார் என்பதை நிரூபிக்கத் தவறிவிட்டார் என்று தீர்ப்பு வழங்கிய நீதிமன்றம் மனைவிக்கு மாதத்திற்கு ₹5,000 என பராமரிப்புத் தொகை நிர்ணயிக்கப்பட்டும்  கணவர் மனைவியை பராமரிக்கத் தவறிவிட்டார் என்றும் விசாரணை நீதிமன்றம் தீர்ப்பை பதிவு செய்துள்ளது.

"குற்றவியல் நடைமுறைச் சட்டத்தின் பிரிவு 125 இன் கீழ் உள்ள விதியின்படி, மனைவி போதுமான காரணங்கள் இல்லாமல் கணவரிடமிருந்து பிரிந்து வாழ்கிறார் என்றால், அவளுக்கு பராமரிப்புத் தொகை கிடைக்காது" என்று உயர் நீதிமன்றம் கூறியது.

விசாரணையின் போது, மனுதாரரின் வழக்கறிஞர், மனைவி போதுமான காரணங்கள் இல்லாமல் கணவரிடமிருந்து பிரிந்து வாழ்கிறார் என்ற தீர்ப்பை விசாரணை நீதிமன்றம் பதிவு செய்துள்ளது இருந்தபோதிலும் குடும்பநல நீதிமன்றம் மனைவிக்கு மாதத்திற்கு ₹5,000 பராமரிப்புத் தொகையை நிர்ணயித்து தீர்ப்பு வழங்கியுள்ளது என்று மாண்புமிகு உயர்நீதிமன்றத்தில் சமர்ப்பித்தார். 

விசாரணை நீதிமன்றம் மனுதாரரின் வருவாய்த் திறனைக் கருத்தில் கொள்ளவில்லை, ஆனால் மனைவி மற்றும் ஒரு மைனர் குழந்தைக்கு ஆதரவாக பராமரிப்புத் தொகையை ₹5,000 மற்றும் ₹3,000 என நிர்ணயித்துள்ளது என்றும் அவர் சமர்ப்பித்தார்.

இருப்பினும், பெண்ணைப் பிரதிநிதித்துவப்படுத்தும் வழக்கறிஞர் மற்றும் அரசு வழக்கறிஞர் கணவரின் அலட்சியத்தால் தான் அவரிடமிருந்து பிரிந்து வாழ்கிறேன் என்றும், அதனால்தான் விசாரணை நீதிமன்றம் விண்ணப்பத்தை அனுமதித்து பராமரிப்புத் தொகையை நிர்ணயித்துள்ளது என்றும் வாதிட்டார்.

கணவரின் திருத்த மனுவை அனுமதித்த நீதிமன்றம், "இரண்டாவது பிரச்சினை தொடர்பாக விசாரணை நீதிமன்றத்தால் பதிவு செய்யப்பட்ட மேற்கூறிய கண்டுபிடிப்பு மற்றும் மனைவிக்கு ஆதரவாக மாதத்திற்கு ₹5,000 என நிர்ணயித்த உத்தரவைக் கருத்தில் கொண்டு, இரண்டும் முரண்பாடானவை மற்றும் பிரிவு 125, CrPC இல் உள்ள விதியை மீறுகின்றன. எனவே, பிப்ரவரி 17, 2025 தேதியிட்ட உத்தரவு தவறாக இருப்பதால் இந்த நீதிமன்றத்தின் தலையீடு தேவைப்படுகிறது" என்று கூறியது.

ஜூலை 8 தேதியிட்ட நீதிமன்றம், இரு தரப்பினருக்கும் விசாரணை நடத்த வாய்ப்பு அளித்த பிறகு, மீண்டும் முடிவெடுக்க இந்த விஷயத்தை குடும்ப நீதிமன்றத்திற்கு திருப்பி அனுப்பியது.

இருப்பினும், மனுதாரர் விண்ணப்பம் நிலுவையில் இருக்கும் போது இடைக்கால பராமரிப்பாக மனைவிக்கு மாதம் ₹3,000 மற்றும் குழந்தைக்கு மாதம் ₹2,000 தொடர்ந்து செலுத்துவார் என்று நீதிமன்றம் தெளிவுபடுத்தியது.

மனைவிக்கு ஜீவனாம்சம் வழங்க வேண்டுமா?

இந்திய சட்டத்தின் அடிப்படையில் மனைவிக்கு ஜீவனாம்சம் வழங்கபடுவதின் அவசியத்தையும் வழிமுறைகளையும் இந்திய சட்டங்கள் வரையறுத்துள்ளது. சம்பாதிக்காத மனைவிக்கு அவரை பராமரித்துக் கொள்ளவும் குழந்தைகளை பராமரித்துக் கொள்வதற்கும் ஜீவனாம்சம் அவசியமான ஒன்றாகும். விவாகரத்திற்கு முன்போ அல்லது விவாகரத்திற்கு பின்பு மனைவிக்கு கணவன் ஜீவனாம்சம் வழங்க வேண்டும் என்பதை குடும்பநல நீதிமன்றங்கள் தீர்ப்புகளில் தெளிவுபடுத்தி வருகிறது.

மனைவிக்கு ஜீவனாம்சம் கொடுப்பது கட்டாயமா என்றால் கட்டாயம் இல்லை ஆனால் ஜீவனாம்சம் கொடுப்பதற்கு சில காரணிகளை பரிசீலனை செய்கிறது அந்த காரணங்களின் அடிப்படையில் ஜீவனாம்சம் வழங்கப்படுகிறது. 

மனைவியின் ஜீவனாம்சம் வழக்கை விசாரணை செய்து விவாகரத்து பெற்ற மனைவிக்கோ அல்லது விவகாரத்துக்கு முன்பாக பிரிந்து வாழும் மனைவிக்கோ ஜீவனாம்சம் அவசியமா அவசியம் இல்லையா என்பதை ஜீவனாம்சம் வழங்க வேண்டிய காரணத்தை நீதிமன்றம் விசாரணை செய்து  காரணம் சரியாக இருந்தால் நீதிமன்றம் மனைவிக்கு ஜீவனாம்சம் உத்தரவை வழங்குகிறது. ஜீவனாம்சத்தை என்னென்ன வழங்க வேண்டும் என்பதை நிர்ணயிக்கும் காரணிகளை தொடர்ந்து தெரிந்து கொள்ளுங்கள்.

மனைவி ஜீவனாம்சம் கேட்டால், கணவன் அதைக் கொடுக்கக் கடமைப்பட்டுள்ளாரா?

கிழ்கண்ட காரணிகள் காணப்பட்டால் நீங்கள் ஜீவனாம்சம் செலுத்த வேண்டியிருக்கலாம் :

• உங்கள் மனைவியால் தன்னைப் பராமரிக்க முடியவில்லை.

• உங்கள் மனைவி செல்லுபடியாகும் ஒரு காரணத்துடன் உங்களிடமிருந்து பிரிந்து வாழ்கிறாள் (எ.கா., கொடுமை, பிரிந்து செல்வது, கணவரால் விபச்சாரம் போன்றவை).

• உங்கள் மனைவியை பராமரிக்க மற்றும் ஆதரவளிக்க போதுமான வருமானம் உங்களுக்கு உள்ளது.

• பரஸ்பர விவாகரத்து இல்லை என்றால் பராமரிப்பு பெறமுடியும்.

கிழ்கண்ட காரணிகள் காணப்பட்டால் நீங்கள் ஜீவனாம்சம் செலுத்த வேண்டியதில்லை :

• உங்கள் மனைவிக்கு போதுமான வருமானம் இருந்தால் ஜீவனாம்சம் செலுத்த வேண்டியதில்லை.

• உங்கள் மனைவி சரியான காரணமின்றி பிரிந்து வாழ்கிறாள் என்றால் ஜீவனாம்சம் செலுத்த வேண்டியதில்லை.(விபுல் அகர்வால் வழக்கைப் போல).

• உங்கள் மனைவி மறுமணம் செய்து கொண்டால் ஜீவனாம்சம் செலுத்த வேண்டியதில்லை.

• உங்கள் மனைவி விபச்சாரத்தில் ஈடுபட்டதாகக் கண்டறியப்பட்டது என்றால் ஜீவனாம்சம் செலுத்த வேண்டியதில்லை.

• பரஸ்பர சம்மத விவாகரத்து ஒப்பந்தம் ஜீவனாம்சத்தை தள்ளுபடி செய்கிறது, நீதிமன்றம் அதை ஏற்றுக்கொள்கிறது.

ஜீவனாம்சத்தை பெறுவதற்கான சட்டங்கள்?

உங்கள் மனைவிக்கு ஜீவனாம்சம் (பராமரிப்பு) பெறுவதற்கான இந்திய சட்டம் குறிப்பாக குற்றவியல் நடைமுறைச் சட்டம் (CrPC) பிரிவு 125 இந்த பிரிவு மனைவிக்கு குழந்தைக்கு மற்றும் பெற்றோருக்கு பராமரிப்பு வழங்குவதையும் அதை நடைமுறைப்படுத்துவதையும் வரையறுத்துள்ளது. தற்போது இந்த சட்டம் திருத்தம் செய்யப்பட்டு புதிய சட்டமாக பாரதிய நாகரிக் சுரக்ஷா சன்ஹிதா (BNSS), 2023 இன் பிரிவு 144 இதே பிரச்சனைக்கு தீர்வு வழங்குகிறது. பாரதிய நாகரிக் சுரக்ஷா சன்ஹிதா பிரிவு 144 சட்டத்தின்படி மனைவி, குழந்தைகள் மற்றும் பெற்றோரின் பராமரிப்பு வழங்குகிறது. 

ஜீவனாம்சத்தை பெறுவதற்காக மேற்கண்ட குற்றவியல் சட்டங்கள் மற்றும் தனிநபர் சட்டங்களின் கீழ் அதாவது மதம் சார்ந்த கோட்பாடுகளின் அடிப்படையில் இந்து திருமணச் சட்டம், முஸ்லிம் தனிநபர் சட்டம் போன்றவை தொடர்புடைய விதிகளும் தெளிவான வழிகாட்டுதல்களை வழங்குகின்றன.

ஜீவனாம்சத்தைத் தவிர்ப்பது எப்படி?

பராமரிப்புகளின் வகைகள்-Types of Maintenance :

• இடைக்கால பராமரிப்பு (Interim maintenance) - விசாரணையின் போது வழங்கப்படும்.
• நிரந்தர ஜீவனாம்சம் (Permanent alimony) - விவாகரத்து ஆணைக்குப் பிறகு வழங்கப்படும்.
• குழந்தை பராமரிப்பு (Child maintenance) - பெரும்பாலும் பிரிந்து வாழ்ந்துகொண்டு இருக்கும் போது செலுத்தப்பட வேண்டும்.

ஜீவனாம்சம் வழங்குவதற்கு முன் நீதிமன்றம் வழக்கில் கருத்தில் எடுத்துக்கொள்வது என்னென்ன?

1. உங்கள் மாதாந்திர வருமானம் மற்றும் பொறுப்புகளை நீதிமன்றம் கருத்தில் எடுத்துக்கொள்ளும்.

2. மனைவியின் வருமானம் மற்றும் வாழ்க்கை முறை நீதிமன்றம் கருத்தில் எடுத்துக்கொள்ளும்.

3. குழந்தை பராமரிப்பு ஏதேனும் இருந்தால் அதையும் நீதிமன்றம் கருத்தில் எடுத்துக்கொள்ளும்.

4. திருமண காலம் எவ்வளவு என்பதையும் நீதிமன்றம் கருத்தில் எடுத்துக்கொள்ளும்.

5. இரு தரப்பிலிருந்தும் ஏதேனும் தவறான நடத்தை அல்லது கொடுமை நடைபெற்று இருந்தால் நீதிமன்றம் கருத்தில் எடுத்துக்கொள்ளும்.

ஜீவனாம்ச வழக்கில் பல்வேறு கூறுகளை நீதிமன்றம் விசாரணை செய்து மேற்கண்ட தகவல்களை கருத்தில் எடுத்துக் கொண்டு அதன் பின்னரே தீர்ப்பு வழங்கப்படுகிறது.